Á fallegum og sólríkum dögum er upplagt að bregða sér í dagstutt ferðalög með vinum og kunningjum til að stytta sér stundir, njóta frelsis, andrýmis og gnægtabrunns Spánar í hvívetna. – Og því kann spurning að vakna ;
Finnst þér gaman af smekkvínum og tapas?
Ásamt hefðbundinni spænskri menningu? Hér er fullkomin heimsókn, og hæfilega langt fyrir okkur Íslendingana á Costa Blanca ströndinni!
Bodegas Faelo í Elche er lítil fjölskylduvíngerð sem býður þér heillandi og vinalega upplifun af sérútbúnum heimsóknum með leiðsögn.
Einnig tilvalin staðsetning fyrir litla hópa með gestgjafanum sem lætur þér líða vel meðan á heimsókn stendur.
Heimsóknin á þessa litlu og vinalegu vínekru mun veita þér innsýn í heillandi sögu þessa fjölskylduvíngarðs. – Síðan er sest niður og slakað á með góðu útsýni til að njóta vínanna, rósavíns, hvítvíns og rauðvíns, með dýrindis staðbundnum spænskum tapas-kræsingum.
Heimsóknin tekur um það bil tvær klukkustundir og kostar aðeins 12 evrur á mann.
ATH! Ferðin tekur aðeins um 40 mín ef valin er leið ÁN TOLLVEGA
Til að panta, hringið í síma 655-856-898 (enskumælandi)
Nánari leiðarlýsing :
Heimilisfang vínekrunnar Bodega Faelo fyrir GOOGLE MAP:
Camino de los Coves Poligono 3, Partida Matola, 18, 03296 Elche, Alicante
Már Elison
Öryggis -og þjónustufulltrúi FHS, Félags húseigenda á Spáni
