Smittíðni á Spáni 17. febrúar 2022

European Centre for Disease Prevention and Control (ECDC) heldur úti upplýsingavef um Covid-19 með gagnlegum upplýsingum fyrir fólk á faraldsfæti. Kortið var uppfært 17. febrúar 2022. Samkvæmt eftirfarandi töflu er nýgengi innanlandssmita á Íslandi 6.664 og hefur því aukist á milli vikna. Ísland var sett inn í töfluna til samanburðar við sjálfstjórnarhéruð Spánar. Nú eru öll sjálfstjórnarhéruðin á Spáni með lægri smittíðni en Ísland. Omicron-afbrigðið er bráðsmitandi og er einkennandi fyrir smitin bæði á Spáni og Íslandi. Vek athygli á því að Kanaríeyjar eru samkvæmt áhættumati þrefalt áhættuminni en fyrir viku síðan. Veikindin í kjölfar Omicron eru mun vægari verði á annað borð eftir þeim tekið. Gert er ráð fyrir að um helmingur fullorðinna fái engin einkenni og um 75% yngra fólks. Til fróðleiks má geta þess að álagið á Landspítalann er ekki lengur tilkomið vegna sjúklinga heldur fjarvista einkennalauss starfsfólks í einangrun.

Ný viðmið – áhættumat að teknu tilliti til bóluefnastöðu

Nú er tekið tillit til bóluefnastöðu almennings í áhættumati vegna Covid. Formúlan er eftirfarandi:

Áhættumat = (C+C*(100-V)/100)/2

þar sem C er 14 daga smittíðni sjálfstjórnarhéraðsins og V er hlutfall bólusettra sama svæðis. Í neðangreindri töflu er reyndar miðað við bólusetningarhlutfall ríkisins. Ef við setjum inn í formúluna íslensku tölurnar þá eru þær eftirfarandi:

Áhættumat Íslands (6.664+6.664(100-80,93)/100)/2 = 3.967,41 ≈ 3.967

  • Grænt, ef áhættumatið er lægra en 40;
  • Appelsínugult, ef áhættumatið er lægra en 100 en yfir 40;
  • Rautt, ef áhættumatið er lægra en 300 en yfir 100;
  • Dökkrautt, ef áhættumatið er 300 eða hærra;
  • Dökkgrátt, ef tíðni sýnataka er 600 eða lægri;
  • Grátt, ef það vantar upplýsingar.

Allir útsettir fyrir smiti

Þótt það komi ekki fram í töflunni að þá eru PCR-prófin mun fleiri á Íslandi en á Spáni. Grímuskyldu utandyra hefur verið aflétt á Spáni nema í margmenni. Bóluefnapassinn er enn opinberlega í notkun á veitingahúsum í Valensíska sjálfstjórnarhéraðinu en vonir standa til að opinberlega verði notkun hans hætt um næstu mánaðamót. Það er samt orðið sjaldgæft að veitingahús spyrji eftir bóluefnapassanum og notkun hans því eiginlega sjálfhætt. Spítalainnlögnum hefur fækkað enda veikindi Omicron-smitaðra vægari. Allir eru útsettir fyrir smiti án tillits til bóluefnastöðu viðkomandi.

Bóluefnapassinn

Gildistími allra bóluefnapassa á landamærum var styttur úr 12 mánuðum í 9 mánuði 1. febrúar 2022 og er miðað við hvaða dag fólk fékk síðustu sprautu. Það kann að vera að þeir verði styttir enn meir þegar frá líður enda er þeim ætlað að ýta við fólki til að þiggja frekari sprautur. Ferðamenn þurfa að huga að þessu. Hægt er að sækja nýjan bóluefnapassa sem sýnir réttan gildistíma. Ég sótti minn á heilsuvera.is og þar kemur fram nýr gildistími. Sjá mynd.

Hægt er að sækja bóluefnapassann rafrænt og svo er hægt að nálgast hér app til að hlaða niður á símann og athuga hvort hann sé í gildi eður ei. Bóluefnapassinn veitir bólusettum frelsi til að sækja t.d. veitingahús, bíó eða leikhús. Aðrir þurfa að framvísa PCR-prófi en þau bæði kosta og hafa afar takmarkaða endingu. Vissulega hafa þessar aðgerðir letjandi áhrif á félagslíf fólks í báðum ríkjunum og eru mörgum hvatning til að fara í sprauturnar.

 

Allir eldri en 12 ára þurfa að framvísa covid-passa á Spáni nema í sjálfstjórnarhéraði Katalóníu og Murcia

  • Á öllum veitingastöðum og börum hvort sem það er inni eða úti
  • Í kvikmyndahúsum, fjölnota salarkynnum, sirkusum og hátíðarstöðum þar sem boðið er upp á mat eða drykk á sýningum, athöfnum eða við notkun húsnæðis
  • Á tónlistarhátíðum innan- og utandyra þar sem varanleg notkun grímu er ekki framkvæmanleg
  • Á líkamsræktarstöðvum þar sem varanleg notkun grímunnar er nauðsynleg og í innisundlaugum

Meira gagn en ógagn?

Canadian Covid Care Alliance, samtök með yfir 500 lækna innan sinna vébanda, hefur gefið út skýrslu sem heitir More Harm Than Good og er hægt að nálgast hana á PDF-formi hér. Skýrslan er líka kynnt á rúmlega hálftíma myndbandi sem hægt er að nálgast hér. Independent Fact Checkers gera tvær athugasemdir við skýrsluna en þær báðar eru léttvægar þegar litið er á skýrsluna í heild sinni.

Eflum ónæmiskerfið

Það er ýmislegt sem við getum gert til að efla ónæmiskerfið og slá á sjúkdómseinkenni Covid-19 ef við á annað borð smitumst eða fáum aukaverkanir af sprautunum. Sjá grein um það hér.

 

Staður14 daga smittíðni%-hlutfall bólusettraÁhættumatLitur
Ísland/Iceland666480,933968Dökkrautt
Comunitat Valenciana253675,451579Dökkrautt
Región de Murcia220675,451373Dökkrautt
Aragón219775,451368Dökkrautt
Cataluña204175,451271Dökkrautt
Galicia201575,451255Dökkrautt
Cantabria181975,451133Dökkrautt
Comunidad Foral de Navarra178675,451112Dökkrautt
Illes Balears164175,451022Dökkrautt
Extremadura151975,45946Dökkrautt
País Vasco148475,45924Dökkrautt
Castilla y León145675,45907Dökkrautt
Principado de Asturias142475,45887Dökkrautt
La Rioja135075,45840Dökkrautt
Castilla-La Mancha126575,45788Dökkrautt
Ciudad de Melilla103975,45647Dökkrautt
Comunidad de Madrid101475,45631Dökkrautt
Ciudad de Ceuta100575,45626Dökkrautt
Canarias67175,45418Dökkrautt
Andalucía65575,45408Dökkrautt

Loading

Deila: