Kalli á Spáni

European Centre for Disease Prevention and Control (ECDC) heldur úti upplýsingavef um Covid-19 með gagnlegum upplýsingum fyrir fólk á faraldsfæti. Kortið var uppfært 28. október. Samkvæmt eftirfarandi töflu hefur nýgengi innanlandssmita á Íslandi aukist úr 180 í 247. Ísland var sett inn í töfluna til samanburðar við sjálfstjórnarhéruð Spánar. Öll sjálfstjórnarhéruð Spánar mælast með talsvert lægri smittíðni en Ísland. Eitt þeirra er rautt en smittíðnin þar er í lágmarki 75 (á bilinu 75-200) og hlutfallsleg smittíðni af sýnunum er meir en 4%. Tíu sjálfstjórnarhéruð Spánar eru græn, þar á meðal Kanaríeyjar. Smittíðnin í Valensíska sjálfstjórnarhéraðinu var yfir 50 og því appelsínugult ásamt sjö öðrum sjálfstjórnarhéruðum. País Vasco á Norður-Spáni er rautt, með smittíðnina 75 og með hlutfall jákvæðra sýna yfir 4% og endar því rautt.