Kalli á Spáni

European Centre for Disease Prevention and Control (ECDC) heldur úti upplýsingavef um Covid-19 með gagnlegum upplýsingum fyrir fólk á faraldsfæti. Kortið var uppfært 9. desember. Samkvæmt eftirfarandi töflu er nýgengi innanlandssmita á Íslandi enn yfir 500 sem leiðir til þess að landið er dökkrautt. Ísland var sett inn í töfluna til samanburðar við sjálfstjórnarhéruð Spánar. Öll nema tvö sjálfstjórnarhéraða Spánar mælast áfram með lægri smittíðni en Ísland þótt smitum hafi fjölgað þar talsvert og þau flest rauð. Fimm sjálfstjórnarhéraða Spánar eru núna appelsínugul en græni liturinn sést hvergi. Smit hafa aukist aðeins í Valensíska sjálfstjórnarhéraðinu og á Kanaríeyjum. Tvö sjálfstjórnarhéraðanna er núna með fleiri smit en Ísland. Heilt yfir þá hafa smittölurnar verið aðeins á uppleið. Það hefur leitt til harðari smitvarna t.d. í Valensíska sjálfstjórnarhéraðinu þar sem bóluefnapassinn hefur verið tekinn í notkun á veitingahúsum hafi þeir leyfi fyrir 50 manns eða fleiri.